கவியரசு கண்ணதாசன் நினைவில்

பிறப்பில் வருவது யாதெனக் கேட்டேன்
பிறந்து பாரென இறைவன் பணித்தான்

இறப்பில் வருவது யாதெனக் கேட்டேன்
இறந்து பாரென இறைவன் பணித்தான்

மனையாள் சுகம் யாதெனக் கேட்டேன்
மணந்து பாரென இறைவன் பணித்தான்

மழலை இன்பம் யாதெனக் கேட்டேன்
பெற்றுப் பாரென இறைவன் பணித்தான்

இறைவா! அனுபவித்தேதான் அறிவது
வாழ்க்கையெனில் நீ எதற்கு என்றேன்

இறைவன் சற்றே அருகினிலே வந்து
அந்த அனுபவம் என்பதே நான்தான் என்றான்!

- கவியரசு கண்ணதாசன்